Treis vosoras saturēju

Treis vosoras saturēju,
Stalli bāru kumēleņ,
Caturtāi vosorāi,
Lyku sadlus mugurā.
Lyku sadlus mugurā,
Bēru rīkstus karmanā,
Bēru rīkstus karmanā.
Jōju meitu pogolmā,
Vīnu sauji mōtei devu,
Ūtru mōtes meiteņai,
Trešu sauju pakaisēju,
Jaunu meitu pogolmā.
Cykom meitas rīkstus losa,
Jau sauleite nūrītēj.
Kur tu jōsi, ciema puisi,
Maņ vīteņa pataiseit,
Man vīteņa pataiseita,
Smolkim lynu palagim.
Gulēsimi vīnu vīti,
Runosimi vīnu run.